والله اتعب وانا اقول شهادتي مجروحه في هالمطعم ياجماعه بالنسبه للحجز شفنا بالموقع انه فل لمده شهر ورحما شخصيا للمطهم وحجزنا من عندهم يعني لاتعتمدون بس على الموقع

قوي قوي قوي واعتبره من الذ وجهات البرجر الموجوده في لندن وافضل من fredi😒 جربت الفرع الموجود داخل Westfield

كاربو يعتبر افضل وجهه لي اذا خطر في بالي اشرب كرك 👌🏻حرفيا الذ كرك فيك يالندن حتى اطعم من جباتي وكرك كاربو قهاويه متنوعه وفروعه كثيره اشهرها المقابل لهارودز 😻 يستاهل التجربه

احم احم من وين ابدي طبعا بكل امااانه المطعم لذيذ كأكل ( فطور،غداء، عشاء او حتى قهوه وحلى) لكن فيه مشكله عندهم اذا حجزكم بس قهوه تقعدون برا واللي صار معنا ( الجو كان مطر غزير و شالوا الجلسات الخارجيه) فلما وصلنا انتظرنا ٢٠ دقيقه ودخلونا جوا 🤙🏻 طيب المصيبه انهم رفضوا يخدمون/ يقدمون القهوه الا مع طلب عشاء اجباري والا قوموا من الطاوله 😡😠 طبعا طلبنا لانه يقول ارسلنا ايميل في التعليمات وهو كذاب وصدق صدق نفسياتهم مره خاااايسه لكن الاكل لذيذذ😩

ونسيت اقولكم اشهر طلب حلى الفرنش توست والكوكيز 🤤🤤🤤🤤🤤

محبين البرجر واللي مايحبون البرجر بعد 😬 لااااااااازم لاااااااازم اجباري غصب تجربونه 😩😩😩😩😩 لذيذ لذيذ حرفيا الذ برجر فيك يالندن 🍔ولايهون الستيك عندهم 🥩 على اغلب ظني ان له ثلاث فروع اشهرها اللي في كوفينت جاردن تجربتي كانت في ويستفيلد

نسيت اضيف لكم انه يعطونكم دعوه لايس كريم مجاني 🍦😍

هذي القهوه موجوده في الطابق الاول بعد التسوق في فورتنام اند ميسون يستحق انك تتلذذ بانواع القهوه والايس كريم والكيك والاجمل مافيه انه يسكر الساعه ٨ ومايستلزم حجز 🤙🏻😏 الفلات وايت خيال وكيكه الموز ❤️‍🔥😍

اما بالنسبه لموضوع التسوق فيعتبر فورتنام اند ميسون من اهم الوجهات السياحيه مبنى عريق كل دور له اختصاص بشي الدور الاول شاي وقهوه الدور الثاني اواني وحلويات الدور الثالث عطور وشموع اما الدور الاخير فهو شاي الظهيره المكان رائع بمعني الكلمه وتلاقون فيه اجمل واجود الهدايا والمشتريات غير انه مشهور بالساعه اللي موجوده خارج المبنى غير الديكورات اللي تميزه